Kinumpirmar kan Office of the Vice President (OVP) na naresibe na an summons na ipinaluwas kan Senate impeachment court katakod kan impeachment complaints na ipigsunad kontra ki Vice President Sara Duterte.
An kumpirmasyon an ginibo duwang aldaw makalihis mag-convene an Senado bilang impeachment court, asin inaprubaran an mosyon na magpaluwas nin writ of summons ki Duterte.
Obheto kaini na mapasimbag an bise presidente sa mga alegasyon na nakalaag sa articles of impeachment.
Sa irarom kan rules na inadaptar kan impeachment court, tinawan nin sampulong aldaw si Vice President Duterte, puon kan maresibe an summon ngani na makapagsumiter kan saiyang kasimbagan.
Kun magpalyar ini na magsimbag sa laog kan nasabing peryodo, magpapadagos man liwat an pagdangog kan impeachment court.
