Binombahan nin water cannon asin ginitgit kan China Coast Guard 3302 an BFAR vessel na BRP Datu Pagbuaya mantang nagsasagibo nin maritime patrol kaibanan an Philippine Coast Guard ngani na suportaran an mga Pilipinong parasisira sa lugar.
Segun ki PCG spokesperson for the West Philippine Sea Comm. Jay Tarriela na sa kasagsagan kan operasyon, naka engkwentro kan mga barko kan Pilipinas an agresibong mga aksyon hali sa apat na China Coast Guard vessels asin duwang People’s Liberation Army Navy.
Itinutok kan China an water cannon kaini sa navigational antenna kan BRP Datu Pagbuaya asin sinundan kan intensyunal na paggitgit sa straboard side kan barko kan Pilipinas.
Nagkapirang minuto sana, nagkawala an parehong CCG vessel nin ika-duwang water cannon attack sa BRP Datu Pagbuaya.
Hinarang asin nagmaniobra pa an ibang barko kan China sa barko kan Philippine Coast Guard kaibanan na an BRP Teresa Magbanua hali sa PLA Navy vessel 500 asin CCG 503 mantang an BRP Cabra man an naka eksperyensya man nin peligrosong maniobra hali sa CCG 3104 sa distansiyang 300 yarda.
