Nagsapar nin danyos an barko kan Bureau of Fisheries and Aquatic Resources na nagsasagibo nin routine maritime patrol harani sa Pag-asa Island makalihis gitgiton asin banggaon kan Chinese maritime militia vessel.
Nangyari an panibagong engkwentro sa West Philippine Sea mantang paparani an BRP Datu Cabaylo sa Pag-asa Cay 4, na nasa 5 nautical miles kan Pag-asa Island, kan Oktubre 11.
Segun sa ahensya na nagsagibo nin delikadong maniobra an barko kan China asin binalo na harangan an patrol boat kan Pilipinas na nagresulta sa pagbangga sa starboard bow kan BRP Datu Cabaylo.
Nagresulta ini sa pagkayupi kan starboard bow kan BFAR vessel alagad nagpadagos man liwat ini sa saindang misyon kaibanan an BRP Datu Sanday asin salbadong naka daong sa Pag-asa Sheltered Port.
Marurumduman na an parehong mga barko man kan BFAR an binugahan nin tubig kan Chinese Coast Guard vessels kan Oktubre 8 harani sa Scarborough shoal.
