LEGAZPI CITY- Mantenidong dificil hasta sa presente para sa sarong barangay sa ciudad nin Legazpi na makabilog nin konsehong magigin representante kan sektor kan mga jovenes duman dawa pa magkaigwa nin special elections sa tabang kan Deprtment of Interior and Local Government (DILG).
Enot naman na napag-araman na an Barangay 4 Sagpon, an solamenteng barangay sa 70 barangay kanh ciudad na warang ni sarong nagkandidato para sa Sangguniang Kabataan (SK) elections.
Sa intrevista kan Bombo Radyo Legazpi ki incumbent Punong Barangay Felixberto Cordome Jr., naghahalat pa sinda kan mga interesadong mapano sa posisyon dawa pa wara pang nagdudulok huli ta nakafocus an mga mga ini sa pag-aadal.
Segun pa ki Cordome, 20 sana an numero kan mga jovenes sa lugar asin diit pa an laog sa 18-24 years old required age-barcket.
Mientras tanto, dae man nawawara nin paglaom an nasabing barangay official asin ipigheras pang padagos an pag-engganyar sa sarong grupo kan mga jovenes tangarig na magtukaw bilang SK chairman asin SK Kagawad.
