LEGAZPI CITY- Nagpapasalamat an barangay kapitan kan Puro sa syudad kan Legazpi sa pagbabalik kan Philippine National Police (PNP) sa kampanya kan gobyerno kontra iligal na droga.
Sa intribista kan Bombo Radyo Legazpi ki Barangay Kapitan Nicacio Barrios, sinabi kaini na nagbagong buhay na an kadaklan sa mga drug surrenderers sa saindang lugar alagad base sa saiyang kaaraman, 15% pa sa mga ini an padagos sa iligal na transaksyon.
Katakod kaini, ipighayag ni Barrios na nakikipagkoordinar sinda pulisya ngani na dagos nang mapuho an iligal na droga sa barangay.
Naka-hangos kaya suboot an mga imbwelto sa ipigbabawal na bulong puon kan paramientras na napundo an war on drugs huli na man sa kinaimbweltuhan na kontrobersiya kan Pambansang Pulisya partikularmente sa Jee Ick Joo slay.
Sa ngunyan, sinabi man kan kapitan na padagos an saindang pagbantay sa saindang barangay para sa paz y orden.
