Nakamati nin gabat kan trapiko sa banwaan kan Daraga sa ultimong aldaw kan Filing of Candidacy.
Sa intrevista kan Bombo Radyo Legazpi kay Lorenzo Bañas an tagapagtaram kan Daraga Public Safety Office na nagkaigwang buhol buhol na traffic sa pagfile ni Dating Daraga Mayor Victor Perete nin huli ta nasakop suboot kan mga naga park na mga aspirante an tinampo.
Pigtaram man kaini na nagmaray suboot an daloy kan trapiko pagkatapos magfile kan grupo ni Perete.
Pigdugang pa kaini na nagin puspusan an saindang preparasyon sa huring aldaw kan filing nin huli ta piglaoman na kaini an dagsa kan mga aspirante asin mga supporters kaini sa filing venue.
Segun man kay Bañas na sa kabilugan nagin maray man suboot an kamugtakan kan trapiko sa walong aldaw na pagsunad nin kandidatura.
Pigtawan doon kaini na nagin trangkilo man suboot su mga aldaw nin pagfile asin nakisama suboot an publiko sa pagsunod sa mga ordinansa.
Naghagad man ini ki pasensya sa mga drivers asin commuters sa abala suboot kan pagfile kan mga aspirante nin huli ta kada tulong taon man sana suboot nagigin abala an tanggapan kan Comelec asin nagpasalamat man ini sa mga nakasabot asin nagtaong dalan sa ultimong aldaw kan filing.
