Pinagtibay na sa ikatulo asin huring pagbasa kan Mababang Kapulungan ng Kongreso ang House Bill (HB) 8389 o Anti-Political Dynasty Bill na nagbabawal sa mga pamilya kan mga politiko na sabay-sabay magdalagan asin magkapot nin posisyon sa sarong lugar.
Sa botong, 271 pabor, 16 ang kumontra asin 7 ang abstain, dagos na naglusot an nasabing propwesto asin pighahalat na sana kan Kamara ang hiwalay na bersyon kan Senado para maisalang na ini sa sa bicameral coference committee asin magin ley nganing maipaotob sa 2028 election.
Dakol na mambabatas an nagsunad kan nasabing propwesto alagad ginibo kan working bill ang bersyon na isinunad ni House Speaker Faustino “Bojie” Dy III asin Majority Leader Ferdinand Alexander “Sandro” Marcos III kun sain ipinagbabawal sa sarong pamilya hanggang sa second degree of affinity and consanguinity na sabay-sabay magdalagan sa manlaen-laeng posisyon sa sarong banwaan o probinsya.
Huli digdi, pag may nagdalagan sa sarong pamilya sa pagka-alkalde, dae pwedesir magdalagan bilang vice mayor asin konseho ang saiyang tugang, agom, aki, magurang, tiyo, tiya asin mga lolo asin lola.
Siring man an kaini an magiging patakaran sa provincial level kun sain bawal magdalagan an mga kaparientes kan sarong kandidato sa pagka-gobernador sa vice guvernatorial asin sangguniang bayan position alagad pwedesir magdalagan an siisay sa mga ini sa pagkasenador, congressmen, pagkapresidente asin bise presidente.
