Nagbaba na sa pwesto si Bangladesh Prime Minister Sheikh Hasina sa hampang kan mahiwasan na hiro protesta sa nasyun.
Segun sa militar, pormal na isinumitir ni Hasina an saiyang resignation na nagtatapos kan saiyang 15 taon na pagtukaw sa pwesto sa laog nin tolong termino.
Makalihis ini, nagdulag an dating Prime Minister asin nagbiyahe pasiring sa ibang nasyun, alagad dae pa ipigdedetalye kung sain na ini nagduman.
Nangyari iyan mantang nagmamartsa pasiring sa Presidential Palace an rinibong dagit na mga residentes.
Sa pagresign ni Hasina, nagselebrar an mga taga-Bangladesh nagluwas sa tinampo asin nag-ogma sa trayumpo kan saindang hiro protesta.
Magigirumduman na nagpuon na magprotesta an mga residente kan liwat na manggana sa ika-tolong termino si Hasina.
Isabay pa diyan an pagkontra sa polisiya na nagrereserba kan 30% kan posisyon sa gobyerno para sa mga kaparientes kan war veterans.
Sa ngunyan plano kan militar na magkriar nin interim government na iyo muna an mapadalagan sa nasyun mantang dae pa nakakapag-ilihir nin bagong Prime Minister.
