Nakapagrehistro na man nin sarong kumpirmadong kaso nin Nipah virus infection sa Rajshahi Division, Bangladesh.
Segun sa International Health Regulations National Focal Point, nakaeksperyensya nin kalintura an pasyente kan Enero asin nakumpirmar an impeksyon sa paagi nin laboratory test makalihis an pirang aldaw.
Basado sa imbestigasyon, wara siyang travel history alagad nagkaon nin hilaw na katas kan date palm, na sarong komun na pinagpupunan nin impeksyon.
Segun sa Ministry of Health and Family Welfare kan Bangladesh, 35 katawo na nakasalamuha kan pasyente an mahigot na pigbabantayan asin gabos negatibo na sa Nipah virus.
Bisto an Bangladesh na igwa nin saradit na outbreak kan Nipah virus, kalimitang nagpopoon tuyong Disyembre sagkod Abril, na kasabay kan pag-ani asin pagkonsumo kan date palm sap.
Nag-implementar na an gobyerno nin mga lakdang pangsalud nganing maibitaran an paglakop kan helang, kabali na an mahiwas na pagbantay asin pagtao nin impormasyon sa publiko.
Sa presente, pigkokonsiderar kan World Health Organization na hababa an peligro kan Nipah virus sa pambansa, regional asin global level, asin hababa man an posibilidad na maglakop ini sa ibang nasyon.
