LEGAZPI CITY — Naglangkaw an average retail prices kan mga babarakalon sa amrket basket kan Setyembre kumparar sa kaparehong peryodo kan nakalihis na bulan kaya uminabot sa 10.1% an nairehistrong iflation rate sa Bicol region.
Sa intrevista kan Bombo Radyo Legazpi ki Coney Frances Baleda an Statistical Specialist kan Philippine Statistics Authority (PSA) Bicol, kaibanan sa mga naglangkaw an presyo kan food and non-alcoholic beverages partikular na an gulay asin sira.
Segun sa opisyal, mas doble an paglangkaw kan presyo kan mga babarakalon sa Bicol makalihis na makapagrehistro nin double digit na inflation rate na pinakahalangkaw sa gabos na rehiyon sa nacion.
Pag-eksplikar ni Baleda, saro sa mga main driver kan inflalion an bagyong Ompong asin an padagos na pagsadsad kan kantidad kan piso kontra sa dolyar.
Maski pa bako direktang tinamaan kan raot nin panahon an rehiyon, naapektaran man kaini an mga rehiyon sa norte na pinagkukuwaan nin suplay nin pagkaon kaya apektado an produksyon.
