Hangggang sa ngunyan an wara pang impormasyon ang legal counsel Sen. Ronald Dela Rosa na si Atty. Israelito Torreon mapadapit kun saen nagpuon an impormasyong dagos nang naarestar an saiyang kliyenteng senador.
Segun ki Torreon, hanggang ngunyan nagugulat man giraray siya kun nata lumutang an nasabing bareta asin kun sisay an nagpapuon kaini.
Paliwanag kan batikang abogado, kan nagpuon kumalat ang nasabing impormasyon, tulong aldaw na an nakalihihis, nakaresibe siya nin kadakol na kahaputan kun totoong naarestar na an saiyang kliyente.
Siring man, wara man na impormasyong pigluluwas mapadapit digdi an mga otoridad kan Pilipinas, sagkod sa dagos nang kumpirmaron nin manlaen-laeng ahensya siring kan Department of Interior and Local Government asin Department of Justice na dae naarestar an senador.
Segun ki Atty. Torreon, huri niyang nakaolay si Dela Rosa kan enot na parte kan Mayo kung nuarin siya huring nahiling sa Senado, kasunod kan liwat na paglutang makalihis an pirang bulan na pagtatago.
Sa presente, wara suboot na komunikasyon si Atty. Torreon sa saiyang kliyente.
Alagad antes nagtago an senador, naenot nang nag-execute si Sen. Dela Rosa nin tulong power of attorney na nagtatao nin bastanteng otoridad ki Torreon nganing magtaram o gampanan ang pirang legal issues para sa interest ng senador.
