Inihayag kan Office of the Vice President an pagkaka designar ki Atty. Salvador Paolo Panelo Jr. bilang opisyal na bagong tagapagtaram ni Vice President Sara Duterte.
Segun sa ahensya, si Panelo an mamamayo sa mga pagpapahayag kan opisyal na pananaw asin posisyon kan bise presidente, magin an pakikipag koordi9nar sa media asin publiko dapit sa mga importanteng issue.
Antes an saiyang pagkaka designar, nagsirbi si Panelo bilang saro sa pangenot na legal counsel ni VP Sara, kung sain kinaputan niya an mga sensitibong kaso asin legal na depensa kaini sa tahaw kan mga angat sa politika.
Si Panelo an managing partner kan Panelo Law Office na may mahewas na eksperyensya sa complex litigation, corporate law, asin taxation, asin bisto bilang finalist sa mga honra siring kan Dispute Resolution Lawyer of the Year.
