Binasol kan lead counsel ni dating Presidente Rodrigo Duterte na si Atty. Nicholas Kaufman an media sa suboot salang pag-istorya sa kampanya kontra ilegal droga kan Duterte administration.
Ginibo ni Kaufman an pahayag sa saiyang opening statement sa confirmation of charges hearing ni dating Presidente Rodrigo Duterte sa International Criminal Court (ICC) sa The Hague, Netherlands.
Pigduon kan abogado na pigsusobrahan an mga bareta dapit sa kampanta asin dae piglalaag an mga pangyayari sa tamang konteksto.
Inakusaran man kaini an medi asa paggamit nin mga ladawan hali sa drug war para sa shock value asin ngani na pakusugon an saindang sadiring istorya.
Alagad nanindugan an mga prosecutor sa korte na si Duterte an “pivotal” o may dakulang papel sa mga paggadan na konektado sa kampanya kontra ilegal na droga asin inenganyar an ICC na tugutan an kaso na magpadagos sa paglilitis.
