Ipigseselebrar ni Ariana Grande an ika-10 anibersaryo kan saiyang pamoso na Christmas song na “Santa Tell Me” sa paagi kan pagpaluwas nin live version kaini.
Sa saiyang YouTube channel, mahihiling an performance kun saen kaibahan niya an sarong live band asin orchestra.
Labi an pasasalamat ni Ariana sa saiyang mga tagahanga sa Instagram, na padagos na pig-iiba an kanta sa saindang Christmas playlists.
Pinagirumduman niya an gabos na an “Santa Tell Me” an enot na iniluwas kan Nobyembre 2014.
Ngunyang taon, nagbalik si Ariana sa industriya nin musika sa paagi kan album na “eternal sunshine,” na naglalaman nin mga single arug jan “yes, and?” asin “we can’t be friends.”
