LEGAZPI CITY- Naghahanda an provincia kan Albay sa posibleng mas makusog na mga pag-uran na epekto kan habagat.
Segun ki Albay Public Safety and Emergency Management Office chief Dr. Cedric Daep sa intrevista kan Bombo Radyo Legazpi na posibleng maapektaran kan mga pag-uran an haros kabilugan kan provincia.
Mamamatean suboot an peak kaini sa Agosto asin Setyembre.
Kun sasabayan pa ini kan epekto kan La Niña, sinabi kan opisyal na an makusog na mga pag-uran an posibleng magresulta sa pagrasay nin daga asin mga pagbaha.
Dugang pa ni Daep na kun mamamatean man warang patod na uran, posible ining magpadausdos kan lahar.
Alagad kun papuru-pundo an uran, an nasabing mga lahar deposits an posibleng magtenir sa mga river channels.
Katakod kaini, inabusuhan kan opisyal an publiko na magsunod sa mga abiso kan mga otoridad.
