Kinumpirmar kan Department of Foreign Affairs (DFA) na dae mababa sa apat na Pilipino sa Israel an nairido asin isinugod sa ospital makalihis an isinagibong pagbalos nin air strike kan Iran.
Segun ki DFA Undersecretary Eduardo De Vega, an mga nairidong Pinoy an gikan sa Rehovot, sarong ciudad na nasa 20 kilometro sa timog kan Tel-Aviv.
Afuera sainda may 12 pang Pilipino an nasa sarong parke kan nagtama sa lugar an missile kan Iran.
Mientrastanto, sarong Pinay man an nawaran nin istaran asin paramientras na nagtetenir sa hotel makalihis tamaan nin mga missile an Ramat Gan, kanluran kan Tel-Aviv, segun sa Philippine Embassy in Israel.
Sinabi man ni De Vega na pig-aadalan na kan embahada kun kinakaipuhan nang ipaotob an boluntaryo o sapiritang repatriation para sa mga Pilipino sa mga masunod na aldaw.
Pigsusuri na suboot kan Pilipinas an posibilidad nin pag-ebakwar paluwas kan Israel sa paagi kan Allenby Bridge pasiring Jordan kun maglala pa an tensyon sa pagultangan kan Israel asin Iran.
 confirmed that at least four Filipinos in Israel were injured and hospitalized after Iran's retaliatory air strike.){kind=link}