Ipigheras kan aktres na si Jodi Sta. Maria na inaprobaran na kan Supreme Court an annulment kan saiyang kasal kay Panfilo Lacson Jr.
Sa post sa social media, ipigheras kan aktres an saiyang mga pinag-agihan antes na maaprobaran an annulment.
Segun sa aktres haros 13 taon man siyang naghalat asin nakipaglaban ngani na maotob an annulment.
Taong 2005 kan ikasal si Jodi kay Panfilo alagad taong 2010 kan magkasuway an duwa.
Nagkaigwa sinda nin sarong aki na lalaki na si Thirdy na 18 anyos na.
Sa ngunyan naglalaom an aktres na makakamove on sa mga pinag-agihan mantang nakahanda naman sa bagong makakaibanan sa buhay.
