LEGAZPI CITY—Padagos na makakaapektar sa northeast monsoon o amihan sa enterong Luzon, Visayas, magin sa rehiyon kan Bicol, susog sa state weather bureau.
Segun ki Philippine Atmospheric, Geophysical and Astronomical Services Administration (Pagasa) Southern Luzon Weather Forecaster Melvin Almohela, sa intrevista kan Bombo Radyo Legazpi, makakaeksperyenya an mga nasabing lugar nin mapanganuron na kalangitan na may maluyang pag-uuran mantang moderato sagkod makusog an mamamatean na paros.
Siring man na magigin moderato sagkod sa mahukol man an mga kadagatan sa Bicol.
Tinawan-doon man ni Almohela na pwedesir suboot na nag-extend an amihan alagad piglalaomang sa mga masunod na semana liwat na mabalik an easterlies.
Dugang niya na harani na sa transition gikan sa amihan pasiring sa summer season sa katapusan ngunyan na bulan kan Marso.
Mientrastanto, nagpagiromdom man an opisyal na pigbabawal muna sa mga saradit na parasisira partikularmente sa sirangang parte kan Bicol na maglawod huli kan surge asin gale warning na dara kan amihan.
