Kulong an sarong ama makalihis luguson suboot an an sadiring aki na menor de edad sa Barangay Osmeña sa Ilagan City, Isabela.
Segun kay PCol. Lee Allen Bauding, Provincial Director kan Isabela Police Provincial Office o IPPO, an akusado iyo an number 8 most wanted person sa rehiyon 2 huli sa dakol na kaso nin qualified rape asin qualified sexual assault.
Sinabi ni Bauding na an pag-arestar sa mga akusado huli sa pinakusog na kampanya kontra sa mga wanted persons sa Isabela.
Base sa report kan Women and Children Protection Desk (WCPD) kan Ilagan Component City Police Station (ICCPS), an biktima, kaiba an saiyang tiyaon, nag-atubang kan Mayo 2023 tanganing ihayag kun ano an nangyari saiya sa kamot kan sadiring ama.
Nagpoon an ama na molestiyahon an saiyang aking babae kan ini siyam na taon pa sana, na sa laog kaini an biktima soboot piglugos nin nagkapirang beses.
Dai tulos naireport kan aki an pangyayari huli sa matinding pananakot kan ama.
Pinatanidan suboot siya na dae magsabi sa saiyang ina na OFW huli ta makukulugan ini asin dae na makaluwas sa harong.
Nadakop an suspek sa paagi kan warrant of arrest na ipinaluwas kan Regional Trial Court, Branch 17 sa syudad kan Ilagan.
Nahahampang ini sa limang kasong kriminal asin warang pigrekomendar na piyansa para sa saiyang temporamenteng libertad.
