LEGAZPI CITY – Pigtawan honra kan grupo nin mga paratukdo an mga nakisumaro sa mahiwasang hiro protesta sa manlain-laing parte kan nacion nganing ikondena an korapsyon sa mga proyekto kan gobierno.
Segun ki Alliance of Concerned Teachers Chairperson Vladimir Quetua sa intrevista kan Bombo Radyo Legazpi na an partisipasyon kan namamanwaan an nagpapahiling kan saindang dagit partikular na an nangyari sa Mendiola na nauli sa kariribukan.
Nag-atendir man siya sa ikinondusir na rally sa Davao City na kun sain rinibong jovenes asin manlain-laing sector an nagpahiling nin suporta nganing hagadon an paninimbagan asin makulong an mga tiwaling pulitiko.
Dae man suboot nawara an mga ralihista na nakisumaro sa protesta alagad kahagadan an pag-papauli ki Former President Rodrigo Duterte.
Pigtaram pa kan opisyal na mas kadakol an nangapodan nin paninimbagan laban sa mga korapsyon, bako mga anti-Duterte asin bako mga anti-Marcos kundi totoong intensyon na mapugo an mga paghabon sa kaban kan Pilipinas.
Maski suboot may ipigtugdok nang Independent Commission for Infrastructure (ICI) an nahiling kan publiko na dae man kaini napapa-uli an mga pulitikong nasa luwas kan nacion asin puro sana mga contractor an nakukulong na nagsirbi man sanang sacrificial form.
Makalihis an matrayumpong September 21 rally an may mga nakatalaan pa sindang hiro protesta urog na an pagselebrar kan world teachers day.
Nauugma si Quetua na nakikibale na an mga jovenes asin estudyante sa nagdadakol na naghahagad nin paninimbagan sa mga wala-toong korapsyon sa mga proyekto kan gobierno.
