LEGAZPI CITY- Pinawi kan Albay Veterinary Office an pagkahadit kan publiko dapit sa duwang kaso nin African Swine Fever sa ciudad kan Ligao.
Marurumduman na kan nakalihis na semana, nagsumiter na nin deklarasyon ngani na maibalik na sa pink zone category an Ligao City alagad duwang sample an nagpositibo sa helang.
Segun ki Albay Veterinarian Dr. Pancho Mella sa intrevista kan Bombo Radyo Legazpi na dae na man nagkaigwa nin depopulation huli ta dae man nakalaog sa outbreak category.
Amay man suboot na nakapaghanda an mga pagtaraning na banwaan na tulos man na naglatag nin mga checkpoint ngani na masiertong dae na makakalaog pa sa saindang mga lugar an African Swine Fever.
Kan Hunyo, nagkaigwa nin surveillance activity sa mga barangay sa ciudad asin gabos man na samples an nagluwas na negatibo.
Duda kan opisyal na posibleng mga bagong kaso kan helang an nairehistro ngunyan sa Legazpi City na resulta kan pagluwas-laog kan mga tawo sa mga kulungan nin nin urig.
Mientras tanto, sinierto ni Mella na padagos man liwat na nakabantay an mga otoridad ngani na masiertong dae na maglalakop liwat an nasabing helang.
