LEGAZPI CITY—Ipighayag kan Albay Provincial Veterinary Office na nakalinyada an nagkapirang trainings para sa mga nag-aataman nin hayop para sa bulan ngunyan na Hulyo.
Segun ki Albay Provincial Vet Dr. Pancho Mella sa intrevista kan Bombo Radyo Legazpi, kabale sa trainings an para sa mga paraooma, agricultural extension workers asin iba pang stakeholders na imbuelto sa livestock production.
Enot digdi an sustainable beekeeping, honey harvesting; dairy buffalo production and milk quality management; asin training on improving swine productivity through artificial examination.
Obheto kan mga training an nganing maasigurar an food security sa provincia.
Dugang ni Mella, na piglalaoman na kadakol pang mga training an nakalinyada sa natatadang mga bulan kan presenteng taon.
Tinawan-doon kaini na libre an saindang mga trainings kaya dapat aprobitsaran ini kan mga paraooma.
