LEGAZPI CITY-Nakapagdistribwir nin nasa 2,000 family food packs an Albay Provincial Social Welfare and Development Office (PSWDO) para sa mga naapektaran kan bagyo.
Segun kay Albay PSWDO Head Ma. Vivien Cea, sa intrevista kan Bombo Radyo Legazpi na padagos an saindang implementasyon asin suporta kan national government kan Albay kun sain nakapagtao man nin mga bagas na ipigdistribwir sa mga local government unit.
Nakaresibe man suboot sinda nin donasyon hale sa Aboitiz Foundation kun sain nakapagtao sinda sa tulo pang ciudad siring kan Tiwi na nasa 50 packs, sa Tabaco asin Legazpi na nasa 40 packs, asin sa Ligao an nakapagtao man nin nasa 20 packs nin bagas.
Padagos man suboot an pagkuwa nin dagdag na tabang kan mga LGu’s kun sain pigpapaubaya na sainda an mga tatawanan na mga barangay na may mga evacuees asin naapektaran bilang pandagdag ayuda sa sainda.
Dagdag pa kan opisyal na dakula an saindang pasasalamat sa mga naresibeng donasyon na tulos man na ipigtatao sa mga apektadong barangay.
Dugang pa niya na Tabaco City an may pinakahalangkaw na evacuees asin pigkokonsidera na an pag-ofresir nin tabang hale sa local government unit.
Mensahe man kan opisyal na sa siring na sitwasyon an nahihiling an pagtarabangan ngani makasimbag sa mga pangangaipo kan mga apektadong albayanos
