LEGAZPI CITY-Nagin makasaysayan an pagkakataon na makapag-olay sinda U.S. President Donald Trump asin Russian President Vladimir Putin sa sarong high-stakes summit sa Alaska, nagni pagolayan an naglalalang gera sa Ukraine.
Wara man nin pormal na kasunduaan mapadpait sa ceasefire, alagad nagpahayag an duwang lider nin paglaom sa posibilidad na magkaigwa nin kapayapaan sa nsambitang nacion.
Natapos an pagoolay nin duwang oras kung sain sinabi ni Trump na “extremely productive” an naging talakayan asin kadakol na mga punto an napagkasunduan, siring kan pagtetenir na bukas sa mga sensitibong isyu kairiba na an seguridad kan Ukraine asin mga kondisyon kan Russia ngani mawakasan na an gera.
Sa kampo ni Putin, iniladawan niya an gera bilang sarong trahedya para sa duwang kampo kung sain sinabi nya na pareho an sitwasyon sa duwang nacion na pinagpopoonan kan matinding trahedya.
Tinawan doon man ni Putin an importansya kan mga personal na pagoolay sa pagitan kan duwang lider.
Magkakaigwa man suboot nin ika-2 summit, kung sain piglalaoman an mas hararom na talakayan manungod sa peace deal.
Posibleng imbitaran si Ukrainian President Volodymyr Zelenskyy ngani magin parte kan negosasyon.
