LEGAZPI CITY-Idineklara kan Russian army an “unilateral ceasefire” sa Ukraine.
Susog sa Russian Defense Ministry, magigin epektibo ini sa Mayo 8 asin Mayo 9 kasabay kan pagmarka kan World War II Victory Day.
Sa sarong pahayag, sinabi kan ministro na kasunod ini kan desisyon kan Supreme Commander-in-Chief kan Russian Armed Forces na si Russian President Vladimir Putin.
Sinabi kan Russia na para ini sa humanitarian considerations asin ngani tawan nin paagi an mga pagselebrar kan Victory Day.
Sa ibong kaini, magtetenir na nasa defense position an Russian forces asin napatanid sa pagtugon enkaso magbayolar an Ukraine sa ceasefire.
Sa kampo man kan Ukraine, ipighayag kaini an sadiring tigil-putukan poon kasudma hasta ngonian na aldaw asin pigkokonsidera ninda na bako seryuso an pag-alok nin truce kan Russia.
An nasabing Victory Day ngonian na taon sa Russia, iyo an ika-81 anibersaryo kan trayumpo kan Soviet Union laban sa Nazi Germany kan World War II.
