LEGAZPI CITY-Pigbubusol ni Ako Bicol Partylist Rep. Alfredo Garbin Jr. an revision kan Juvenile Justice and Welfare Act sa irarom kan House Bill No. 10330.
Segun saiya sa intrevista kan Bombo Radyo Legazpi, na huli ini sa kakulangan kan parental guidance sa mga kaakian na pinaghihiling na saro sa mga kawsa kan pangyayari sa mga eskwelahan.
Nagkukulang man suboot sa pag-giya sa mga aki, rason ngani makapag-access sinda sa fire and ammunition na dapat kutang nakatago asin wara sindang access digdi.
Dagdag pa niya na igwang contributory factors kun nata nangyayari ini, arog kan exposure kan mga aki sa online content orog na sa online games na bayolente.
Katakod kaini pigbubusol niya an ley na amyemdahan an bagong Juvenile Justice and Welfare Act, na kun sain pigpapaababa an edad kan criminal responsibility poon sa dating 15 anyos pataas, ngonian propwestong ibaba sa 12-anyos sagkod 15-anyos pataas.
Basado suboot sa mga pag-aadal nagluluwas na an mga kaakian na edad 12-anyos pataas an igwang full mental capacity sa saindang piggigibo asin igwa nang pag-iisip ngani madeterminaran kun ano an tama asin sala.
Sa irarom kan provision, i-insert sa ley na magigin liable man an mga kairiba kan aki kun nata nakapag-acess sinda sa mga firearms.
Siring kan saindang mga magurang o guardians na nagtao suboot nin free access sa mga badil orog na kun miembro kan sarong law enforcement agency, arog kan nangyari sa Tacloban asin Zamboanga City.
Huli digdi, posibleng tawan man nin penalidad asin mapanimbag an mga magurang kan aki na “grossly negligent” sa saindang mga firearms o nagtao nin free access sa saindang deadly firearms.
Dugang pa kan opisyal na posibleng magkaigwa nin “suspension of sentence” an imbueltong menor de edad, hasta sa mag-abot ini sa 18-anyos.
