Nagpost si US President Donald Trump nin AI-generated na ladawan kun saen siya an nakasanli bilang Santo Papa, pirang aldaw makalihis an lubong ni Pope Francis.
Ipigheras niya ini sa sarong platform asin pigpost giraray kan White House sa opisyal na social media account kaini.
Mahihiling sa ladawan si Trump na nakatukaw sa trono, nakasulot nin puting kasulotang pang-santo papa, asin nakataas an sarong muro.
Tulos ining nakaguno nin pagtuyaw hale sa mga katoliko asin konserbatibong grupo, na inapod ining insulto sa pananampalataya asin sa namaaram na Santo Papa.
Dae nagtao nin pahayag an Vatican, alagad nagpahayag nin pagkadismaya an mga obispo kan New York, na nagsabing bako ini makaulok urog nang mapoon na an conclave sa May 7 para sa pagpili nin bagong Santo Papa.
