LEGAZPI CITY-Naglangkaw an deficit sa kalakaran kan mga produktong agrikultural kan Pilipinas na nasa $1.03 bilyon.
Mas halangkaw ini sa 2.2% kan nakalihis na taon susog sa datos kan Philippine Statistics Authority (PSA).
Segun sa ahensya, an mga export kan agrikultura, nagbaba nin 1.3% sa $706.41 milyon, mantang an mga import naman naglangkaw nin 0.7% sa $1.74 bilyon.
An pinakadakulang parte kan mga export, iyo an mga prutas asin mani na naglangkaw nin 21% sa $235.02 milyon, mantang an mga export kan fats, oil, asin wax, buminababa nin 16.4% sa $220.63 milyon.
Sa rehiyon, nangenot bilang top buyer sa Pilipinas an Malaysia sa ASEAN na igwang $16.88 milyon, mantang an Europa asin Netherlands an nangengenot sa mga export kan agrikultural kan nacion na nag-abot sa $118.07 milyon.
Naglangkaw man nin 25.5% o nasa $412.69 milyon an import kan mga cereal kasunod kan padagos na pag-import nin bagas.
Mientrastanto, nangenot man an Vietnam bilang supplier kan agricultural goods sa Pilipinas sa ASEAN, asin an Spain asin Europa naman an nangenot na tagapag-angkat kan karne.
Sa kabilugan, nagusbong an kalakaran nin 0.2% kan agrikultura sa nacion sa enot na duwang bulan kan taong 2026.
