Nangapudan an bandang Aegis na irespeto an mga pamilya kan nagadan na miyembro ninda na si Mercy Sunot.
Sa social media account kan grupo naghagad sinda na dae pagtubudan an mga naglalakop na bareta na kaya nagadan an singer an huli sa suboot manlaen- laen na bisyo.
Segun pa sa banda na dae naglaog sa anumang bisyo an singer asin magin warang katotohanan na may iniluwas na interview an saro nindang tugang na si Juliet.
An banda kaya an pigbibilog kan mga tugang ni Mercy na sinda Juliet asin Ken kaiba sinda Stella Pabico, Rey Abenoja, Rowena Adriano asin Vilma Goloviogo.
Magigirumduman na kan Nobyembre 18 kan magadan si Sunot sa edad 48 makalihis an pakikipaglaban sa breast asin lung cancer.
Nagbulos man an pakikiramay asin tributes gikan sa pagkagadan kan sikat na singer.
Nagkapira sa mga pinasikat kan grupo iyo an mga kantang “Halik”, “Basang-basa sa Ulan”, “Luha” asin kadakol pang iba.
