LEGAZPI CITY- Uyon an sarong grupo nin mga obrero sa pahayag kan Philippine National Police na ‘generally peaceful’ an mga hiro protesta na ikinasar kasuudma kasabay kan komemorasyon kan martial law anniversary.
Paliwanag ni Partido Manggagawa Chairperson Rene Magtubo sa intrevista kan Bombo Radyo Legazpi na warang intensyon an mga protesters na magkawsa nin anuman na kariribukan.
Sinierto suboot ninda kaibanan an ibang mga grupo asin sektor, na obheto sana ninda na maghatod nin mensahe, magtipon nin kusog asin pagkakasararo sa gabos na sektor huli ta bako pa tapos an saindang mga ipinaglalaban.
Kaibanan sa mga ipinaglalaban kaini an orolay sa accountability sa public officials asin an pagtapos sa political dynasty.
Paliwanag ni Magtubo na habang an gobierno an padagos na pigko-kontrol kan nagkapirang pamilya sana, dae man magtatapos an problema sa korapsyon asin mangingibabaw sana an interes kan nagkapira.
