PNP
PNP

Magpapalakop an Philippine National Police (PNP) nin labi 6,000 pulis sa Metro Manila nganing siertohon an seguridad asin umalalay sa mga commuter sa duwang aldaw na transport strike ngunyan na Nobyembre 23–24, 2026.

Bilang parte kan paghahanda, malansar an National Capital Region Police Office (NCRPO) nin Libreng Sakay gamit ang police buses, trucks asin vans sa Baclaran, Paco asin Nagtahan sa Maynila, Caruncho Avenue sa Pasig City, asin South Caloocan.

Segun ki PNP Chief Police General Jose Melencio C. Nartatez Jr., obheto nindang matabangan an mga commuter na makabiyahe mantang pigrerespeto an direchos kan mga transport worker na magsagibo nin mapayapang protesta.

Makikipagkoordinar man an ang PNP sa MMDA asin mga lokal na gobierno nganing mamantinir an kaayusan sa mga pangenot na kalsada asin terminal.

Sinugo man an mga pulis na ipairal an maximum tolerance asin propesyonalismo sa bilog na panahon kan transport strike.