Nakatalaan na magbiyahe pa-Malaysia an mga miyembro kan Gilas Pilipinas ngunyan na Nobyembre 21, 2026.
Ini para sa ika-limang window kan 2027 FIBA World Cup Asian Qualifiers.
An iba pang Gilas players na nasa luwas kan nasyon, piglalaoman man na mabiyahe pa-Kuala Lumpur tanganing makisaro sa national team para sa pirang serye nin practice.
Igwa pang natatadang sarong semana an Gilas antes an saindang duwang nakatakdang laban.
Hahampangon ninda an national team kan Syria sa Nobyembre 27, asin susundan ini nin laban kontra Iran sa Nobyembre 29.
Kapot kan national team an kartadang 4-4, asin mawot na makakua nin ikaapat na magkakasunod na appearance sa FIBA World Cup.
Pangengenotan giraray ni Coach Tim Cone an national team sa duwang crucial na laban.











