Comelec

Pinag-antisiparan na kan Commission on Elections (COMELEC) an posibleng pagbutas sa pwesto kan nagkapirang opisyal kan Sangguniang Kabataan (SK) kasunod kasunod kan naging pag-octaba kan Barangay and Sangguniang Kabataan Elections (BSKE).

Sinabi ni COMELEC Chairman George Erwin Garcia, dae na makangalas kun igwang mga SK officials na magdesisyon na magbutas huli sa padagos na paglawig kan saindang panunungkulan.

Paliwanag kan poll chief, igwang nagkapira sa mga ini an nakapagtapos na sa kolehiyo asin mawot na magtao nin atensyon sa paghahanap nin trabaho asin iba pang plano sa saindang karera.

Huli digdi, nasasabutan kan komisyon kun igwang mga joven na opisyal na mas pipilion na tahakon an ibang oportunidad imbes na ipagpadagos an saindang mandato sa barangay.

Marurumduman na nagkapirang beses na na-octaba an BSKE, na nagresulta sa pagpapalawig kan termino kan mga presenteng opisyal kan barangay asin Sangguniang Kabataan.