Posibleng matapos na kan defense team ni Vice President Sara Duterte an paghahampang kan saindang mga testigo sa impeachment trial pag-abot kan Disyembre.

Segun ki Michael Poa, defense counsel asin spokesperson kan defense team, lima hasta anom pang testigo an piglalaomang ihahampang kan depensa makalihis makumpleto an testimonya kan apat na testigong ipinaapod para sa mga pagdangog ngunyan na semana.

Aniya, pwedesir na ini na an huring batch kan saindang mga testigo huli ta wara na sindang nahihiling na rason para pahaluyon pa an presentasyon kan ebidensya.

Posible man na matapos ini sa laog nin sarong semana kun magkakaigwa nin whole-day hearings.

Alagad, nakadepende pa man giraray an target na iskedyul sa desisyon kan impeachment court.

Naghahalat an depensa sa iskedyul kan mga pagdangog sa Disyembre, orog na ta nakatalaan man an deliberasyon sa national budget sa masunod na semana.