LEGAZPI CITY-Pigsierto kan Public Safety Office Legazpi an pagtatao nin asistensya sa publiko sa pagsasagibo kan Christmas Lighting Activity atyan na hapon sa kasentrohan kan cuidad.
Segun sa pahayag ni PSO Chief Octavio Rivero sa intrevista kan Bombo Radyo Legazpi, na tututukan ninda an traffic management ngani dae magka-problema sa lado kan mga awto.
Pigpapagirumduman man an mga maparada na dae magtaong perwisyo ngani dae na sinda mag-clamp sa mga oras na ini asin makaulang sa nasabing aktibidad.
Siring man, ngani malikayan an anumang mga insidente.
Magbabantay man suboot an mga kapulisan asin magtatalaga nin 15 personnel ngani magmando sa daloy trapiko.
Magsasagibo man sinda nin miting ngani plantsahon nin marhay an mga direktiba asin magpapaluwas nin traffic advisory sa mga lugar ngani giyahan an mga motorista.
Mientras tanto, pangapudan kan opisya sa mga tricycle driver na mapagsamantala, na ibitaran an sobrang singil sa pamasahe huli ta sunod-sunod an saindang nareresibeng mga reklamo.











