LEGAZPI CITY-Ipighayag kan sarong Media Profesor na posible suboot magsakat sa 70 an mga naging biktima kan 2009 Ampatuan massacre sa Barangay Salman, sa Ampatuan, Maguindanao.
Sinabi ni UP Diliman – College of Media and Communication Prof. Danilo Arao, sa intrevista kan Bombo Radyo Legazpi, na sa panahon na ini nasa 200 ang at large, kun sain igwang dae maaraman kun buhay pa o saen nagtatago.
Basado suboot sa mga pagtataya kan grupong pang-media, nagtetenir na unresolve an kaso asin posibleng magsakat sa 70 an mga napaslang.
Dae pa suboot madeterminaran an numero kan mga ginadan basado sa report, kun sain posibleng igwang mga ginadan sa checkpoint pa sana pasiring sa Barangay Salman kun sain nangyari an ‘excavation’ kan mga hawak kaiba an mga behikulo.
Igwa suboot na mga behikulo an pinauranan nin bala asin pinirit na linubong.
Kun kaya sinabi kan opisyal na magabat sa damdamin an pangyayari, orog na sa mga naulilang mga pamilya hasta sa presenteng panahon.
Pig-duon niya na bako sana ining isyu sa media, kundi sarong pagbayolar sa direhos humanos, siring man saro ining ‘election related violence’.
Pigtawan duon pa kaini, na nangyari an massacre “in broad daylight” sa tahaw kan mga agihan.
Sa ibong kaini, nagtetenir suboot an pag-insistir kan iba na sarong “isolated case” an nangyari, alagad padagos suboot an “culture of impunity” partikular sa Pilipinas kun sain piggagamit an kapangyarihan asin impluwensya ngani makatakas sa mga paninimbagan.










