LEGAZPI CITY—Arestado an tulong high-ranking leaders kan Communist Terrorist Group (CTG) sa Bicol sa magkahiwalay na operasyon kan pinagsarong pwersa kan Philippine Army asin Philippine National Police sa Rizal asin Quezon.

Segun ki Philippine Army 9th Infantry (Spear) Division Public Affairs Office Chief Maj. Frank Roldan, sa intrevista kan Bombo Radyo Legazpi, nahanap an duwang miyembro kan CTG sa Barangay Bagong Nayon, Antipolo City, Rizal, sa ginibong operasyon kan 902nd Infantry Brigade asin PNP,

Nakua man sa saindang possession an duwang .45 caliber pistols, fragmentation grenades, mga bala, subersibo na mga dokumento, asin iba pa.

Binisto an mga naarestar na sinda Rudy Catamora Saludar o alyas Ruel Ibañez/Gemo/Payo/Jorick, na nagsisirbing Deputy Secretary kan Bicol Regional Party Committee (BRPC) asin Head kan Regional Organization Department, miyembro kan executive committee kan BRPC asin nagsisiribing secretary kan Sub-Regional Committee 4 (SRC4). Nahahampang ini sa sampulong warrant of arrest kabale an kasong murder, attempted murder, frustrated murder, violations of the Anti-Terrorism Act, asin kidnapping.

Siring man naarestar si Jaime Velasco Jr., o alyas Senen/Sineng/Senen/Steve/Kier/Silca/Silva/Doro, na miyembro man kan Executive Committee kan BRPC, Acting Secretary kan Sub-Regional Committee 1 na naghihiro sa parte kan Camarines Sur asin bilog na provincia kan Camarines Norte. Nahahampang man ini sa sampulong kaso kabale an apat na kaso nin murder, limang counts nin frustrated murder, asin sarong count nin direct assault.

Afuera digdi, enot nang naarestar sa mga nakalihis na operasyon an most wanted kan Bicol na si Joel Toldanes Luceña o alyas “Dap” sa Pitogo, Quezon. Siya an Commanding Officer kan BRPC Regional Operational Command. Nahahampang man ini sa kasong murder, frustrated murder, attempted murder, asin direct assault.

Haloy na suboot na pighahanap kan mga otoridad an mga nasabing persona asin nagtutubod sinda na makakatabang an pagkawara kan mga ini sa grupo nganing mapanatag na an namamanwaan. Siring man na marealisar kan mga nagduwa-duwa pang mag-isip o magbalik-loob na sa gobierno.

Katakod kaini, pig-engganyar man ninda an mga natatadang miyembro kan Communist Terrorist Group na magbalik-loob na sa gobierno asin dae na mag-abot sa siring na sitwasyon o engkwentro.