LEGAZPI CITY-Pinangenotan ni Congressman Alfredo Garbin an inagurasyon asin turnover ceremony kan 1-story building asin 2-classroom school building sa Tabon-tabon Elementary School sa Tabon-Tabon, sa banwaan kan Daraga, Albay.
Segun kay Ako Bicol Partylist Representative, Congressman Alfredo Garbin, sa intrevista kan Bombo Radyo legazpi na insipirasyon ini sa paghingoa kan munisipyo na iprisentar an pangangaipo sa sektor kan edukasyon sa saindang lugar.
Bako sana suboot ini sarong building, kundi sarong opurtunidad asin paglaom para sa mga jovenes, sa Barangay Tabon-Tabon.
Pigsierto man suboot kan Ako Bicol Partylist an pagtabang sa sektor kan edukasyon, asin nakalinya pa an ibang mga proyekto sa Kongreso para sa mga dakula an kakulangan sa mga classrooms.
Afuera digdi, igwa man na pigtugdok na bagong mga classrooms sa parte kan Sorsogon.
Pigtawan duon man kan kongresista na obheto kaini an haloy an opurtunidad asin magseserbing giya ngani makahale sa katiosan, na magreresulta sa pag-uswag kan lambang pamilya sa komunidad asin sa bilog na Kabikolan.











