Inanunsyar kan limang European Union countries an pagbubukas ninda kan migrant deportation center sa Rwanda sa masunod na taon.
Segun sa Dutch asin Danish government na an mga nacion na ini an kumpwesto kan Germany, Denmark, Austria, Greece asin the Netherlands.
Sa masunod na taon preparado na an nasabing mga nacion na magresibe nin migrants.
An nasabing sistema an magiging epektibo sa migrants na iligal na nagtetenir sa saindang nacion asin nakatalaan na i-deport.
Huli digdi, magtatao an Dutch government nin alternatibo kun enkasong an mga deportees an dae makakabalik sa mga nacion na saindang pinaghalian.
An mga deportees an pwedesir na humalo sa Rwandan socieity o mabalik na sana sa nacion na pinaghalian.
Paglilinaw man kan nasabing limang nacion na an plano na pagpapadara kan mga migrants sa ibang nacion an basado sa nakalaag na ley kan European Union asin international law alagad kontra digdi an human rights bodies huli ta pagbayolar suboot ini sa saindang migrants rights.











