LEGAZPI CITY-Ikakasa kan Kabataan Partylist Bicol asin BUeños Kontra Korapsyon an pag-martsa bilang pagkontra sa proyektong Pax Silica Initiaive sa nacion.
Segun sa miyembro kan Kabataan Partylist Bicol asin BUeños Kontra Korapsyon na si Earnest Blanquera, sa intrevista kan Bombo Radyo Legazpi na nakipag-koordinar sinda sa institusyon ngani maglansar nin sarong hiro protesta sa Lunes, Nobyembre 16, sa Bicol University Daraga Campus.
Isasagibo suboot an martsa poon sa wisdom garden sa Bicol University College of Social Sciences and Philosophy (CSSP) pasiring sa Bicol University College of Business, Economics and Management (BUCBEM).
Antes ini, nagbarewas man sinda nin mga flyers asin nagsagibo nin diskusyon sa mga estudyante kan unibersidad manungod sa saindang lado pag-abot sa Pax Silica Initiative.
Posible man suboot na mabago pa an lugar na saindang mamartsahan depende sa numero kan mga makikisumaro digdi.
Sinabi pa ni Blanquera na kadaklan sa mga estudyante, an kontra sa pagtugdok kan naunambitang proyekto sa nacion.
