LEGAZPI CITY-Maogmang ipigheras kan Canadian singer na si Avril Lavigne an bareta makalihis niyang ipabisto an enot niyang aki na sarong baby girl.
Ipigheras kan 42-anyos na singer an bareta sa social media, katako kan mga ladawan kun sain karga niya an saiyang aki.
Nasa caption man kaini, na nag-abot na an saindang prinsesa.
Antes an pag-abot kan saiyang enot na baby, duwang beses na ikinasal si Avril.
Enot siyang ikinasal kay Deryck Whibley, an vocalist kan rock band na Sum 41, kan taong 2006.
Nagtapos an saindang pag-ibahan kan 2009 makalihis an tulong taon. Alagad nagtenir sindang maayos sa ibong kan saindang pagbulagan.
Kalaunan, ikinasal naman siya kay Chad Kroeger, an frontman kan bandang Nickelback.
Bisto si Lavigne sa mga hit songs na “Complicated”, “Sk8er Boi”, “Girlfriend”, asin dakul pang iba.
