Tinawan duon kan Armed Forces of the Philippines na dae nakikipag iwal an Pilipinas sa China o sa anuman na nacion.
Ini an kasimbagan sa pahayag ni Vice President Sara Duterte sa Hongkong na dapat ibitaran kan mga opisyal kan gobierno an pakikipag iwal sa ibang nacion, kaibanan an China, sa tahaw kan padagos na tensyon sa West Philippine Sea.
Segun ki AFP Spokesperson for the West Philippine Sea Retired Rear Admiral Roy Vincent Trinidad, ipigdedepensar sana kan Pilipinas an diretsos kaini kaibanan an maritime entitlements, sovereignty asin sovereign rights.
Pigsi-sierto sana suboot kan AFP asin kan Department of National Defense na mamanahon kan masunod na henerasyon kan mga Pilipino an Pilipinas nin bilog asin malaya.
Kasunod kaini, ipigduon kan opisyal na warang pigka klamar an Pilipinas na bako pagsadiri kaya dae matataram na pasimuno ini kan kariribukan.
Mientras tanto, sinabi man ni Trinidad na may moral obligation an gabos na Pilipino na depensaran an national interest kan nacion.
