LEGAZPI CITY – Magkakaigwa nin duwang aldaw na tigil pasada an PISTON sa Nobyembre 16 asin 17 kasabay kan pagbisita kan mga lider sa ASEAN Summit sa Pilipinas.
Segun ki PISTON President Mody Floranda, sa intrevista kan Bombo Radyo Legazpi, tuyo kan protesta na tutulan an ikaduwang phase kan public transport modernization na pigpapadalagan suboot kan International Monetary Fund-World Bank asin pigsusulong kan Estados Unidos.
Piglinaw man niya na dai ninda pigwe-welcome si US President Donald Trump huli ta siya an pigtutukdong nagpoon kan programa na nag-aagaw suboot nin kabuhayan sa mga driver asin operator.
Sa Nobyembre 16, magkakaigwa nin strike, mantang sa Nobyembre 17, magkakaigwa nin dakulang martsa o rally na pangengenotan kan manlaen-laen na sektor.
Piglalaoman na maaapektaran an mga ruta sa Baguio, Pampanga, Bulacan, Bacolod, Iloilo, Cagayan de Oro, asin iba pang lugar sa Luzon, kaiba an Bicol Region.
Apela man ni Floranda sa mga Bikolano sa Region 5 na magkasararo asin mag-entra sa protesta huli ta gabos suboot maapektaran kan modernization, maski indibidwal o korporasyon.
Mantang nag-apela an Malacañang na dai ipadagos an protesta bilang paggalang sa mga bisita, pigtawan-duon ni Floranda na warang maray na pag-ako kun an bisita an magrararaot sa kabuhayan kan mga Pilipino
