Pigsita ni Senator-Judge Erwin Tulfo si Davao City Assessor Engr. Jaime Adalin asin pinatanidan manungod sa mga posibleng resulta kan pag-utik sa irarom nin panunumpa, kasunod kan saiyang mga bakong malinaw na simbag manungod sa suboot pagbiyahe pasiring sa China kan Nobyembre 2025.
Kan hinapot ni private prosecutor Atty. Benjamin Tolosa Jr. kun si Adalin kabali sa mga opisyales kan lokal na gobyerno kan Davao City na nagpartisipar sa sarong all-expenses-paid trip pasiring sa China na pigbabaretang isponsor suboot kan Chinese Consulate, an assessor nagsabi na an hapot bakong relevant sa hearing asin nagsabi na dai na niya ini nagigirumduman.
Ipighayag ni Tolosa na parte kan saiyang derechos an pagkondusir nin mahigot na imbestigasyon durante kan cross-examination, nin huli ta ini nagseserbing test kan kredibilidad kan testigo.
Huli kaini, ipinagirumdom ni Tulfo ki Adalin na seryosohon an saiyang testimonya, na sinasabi na siya nakasumpa bilang sarong testigo asin pwedesir mag-atubang nin paninimbagan kun siya magtao nin salang impormasyon.
Magigirumduman na si Adalin an pigpresentar kan defense team bilang enot na testigo sa impeachment trial laban ki Bise Presidente Sara Duterte.
Kaiba sa mga nagin hapot an saiyang pagkakatalaga bilang Davao City Assessor kan taong 2017, sa panahon na alkalde kan ciudad si Duterte.
