LEGAZPI CITY-Kabale sa mga makakaeksperyensya nin matinding drought condition o tag-mara asin dry spell an nagkapirang provincia sa Bicol Region.
Segun ki Philippine Atmospheric Geophysical and Astronomical Services Administration (PAGASA) Southern Luzon Southern Luzon Weather Specialist Dan Dominic Triumfante, sa intrevista kan Bombo Radyo Legazpi, na kaiba digdi an Albay asin Catanduanes kun sain laoman an drought condition basado sa forecast.
Mantang an Sorsogon asin Masbate naman, makakaeksperyensya nin dry spell kun sain laoman pa hasta sa masunod na bulan o sa first semester kan taong 2027.
Sa bulan kan Enero sa masunod na taon, mas mahewas pa an epekto kaini sa iba pang mga rehiyon sa nacion, kun sain laoman an paglangkaw kan temperatura.
Haros kadakol na provincia na an nakapag-rekord nin pagbawas sa ground water asin water resoures, asin laoman na mas malala pa ini.
Sinabi kan Weather Specialist na pagsapit kan Marso 2027, gabos na provincia na an makakaeksperyensya nin tag-mara.
Sa presente, nagsasagibo na nin lakdang an mga local government unit asin water district ngani makapag-distribwir nin bastanteng tubig sa kada households.
Dagdag pa kan opisyal na mantang igwang huma kan Super El Niño sa mga masunod na bulan, laoman man giraray an mga pagu-uran, asin an Northeast Monsoon o an parus na gikan sa mga malipot na nacion harani sa Pilipinas.
