Naglalaom an sarong constitutional law expert na makakapagpresentar nin makusog na ebidensya an defense counsel ni Vice President Sara Duterte katakod kan Article II na impeachment complaint na nagtutukar sa suboot unexplained wealth.
Sa intrevista kan Bombo Radyo ki Atty. Ephraim Cortez, president kan National Union of Peoples’ Lawyers (NUPL), sinabi kaini na kinakaipuhan na maglahad kan depensa nin mga konkretong dokumento sa ibong kan pag-artas kan enot nindang witness na si Dean Ralph Sarmiento.
Segun ki Cortez, dakulang angat para sa defense team an presenteng sitwasyon huli ta nakabilog na nin pusog na testimonya asin nakapaghampang na nin mga ebidensya an prosecution panel kontra sa bise presidente.
Huli digdi, importante suboot na makapag preparad an depensa nin testimonya asin resibo na direktang makakasimbag sa mga alegasuon sa dae maipaliwanag na yaman kan pamilya.
Pinag-aantabayanan man sa impeachment trial kung papano pupunuan kan depensa an kawaran kan saindang enot na testigo asin kun siisay an isusunad na ihahampang sa Senate impeachment court.
Nakatalaan na magpadagos an paglilitis sa Senate Impeachment Court ngunyan na Nobyembre 9, kun sain pupuunan an opisyal na presentasyon kan ebidensya hali sa kampo ni Vice President Sara.
