Sinierto ni House Prosecutor Rep. Terry Ridon na preparado na an bilog na House Prosecution Panel na magsagibo nin cross-examination sa gabos na testigong ihahampang kan depensa sa pagbabalik kan impeachment trial ni Vice President Sara Duterte ngunyan na aldaw, Nobyembre 9, 2026.
Segun ki Ridon, kaipuhan na maipaliwanag kan kampo kan bise presidente an suboot P800 milyon hanggang P1.5 bilyong dae maipaliwanag na yaman, kaibanan an labi sa P100 milyong laog kan mga financial account na dae nakasabay sa saiyang Statement of Assets, Liabilities and Net Worth (SALN).
Mawot man na linawon kan prosekusyon an labi sa P200,000 na credit card transactions na ginamit suboot sa pagkaon sa luwas asin pagbakal nin sapatos, alagad nagsayuma si Ridon naihayag kun sain na lado an partikular na magsa-cross examine sa mga testigo.
Tinawan duon pa kan lehislador na dae pwedesir na ibasol kan bise presidente sa saiyang mga staff an sala sa saiyang SALN huli ta bilang sarong abogado aram kaini an legal na epekto kan pagpirma sa sarong notarized document katakod kan P817.87 milyong pigkakarkulo na unexplained wealth ninda kan agom na si Atty. Manases Carpio.
Mientras tanto, inihayag ni prosecution legal spokesperson Atty. Benjamin Tolosa Jr. na preparado an gabos na public asin prosecutors para sa paglilitis, mantang ipigduon na mas marhay na mismong si Vice President Sara an maghampang bilang witness ngani na ilahad an katotoohan kontra sa mga alegasyon.
