LEGAZPI CITY—Nagresulta sa pagkakasakyada nin sarong drug den asin pagkakaarestar nin tulong katawo an kinundusir na buy-bust operation sa Barangay 32, San Roque, Legazpi City, pasado alas-6 nin banggi, aldaw nin Domingo, Nobyembre 8.
Binisto an mga nasabing indibidwal na sinda alyas “Mike”, 48-anyos, warang agom, painter, drug maintainer; alyas “Loida/Nanay”, 59-anyos, biyuda, drug den employee; asin alyas “Jomel”, 39-anyos, warang agom, painter, drug den visitor; an mga nasabing persona an pararehong residente kan nasabing barangay.
Nakumpiskar sa operasyon an nasa 19.7 gramo nin pigtutubudang shabu na may standard value price na P133,960, magin an iba pang non-drug paraphernalia.
Isinagibo an operasyon kan Philippine Drug Enforcement Agency Albay Provincial Office, PDEA Regional Office 5 Intelligence and Investigation Service, PDEA Regional Office 5, PDEA Regional Office 5 Special Enforcement Team 1 and 2, Philippine National Police-Legazpi City Police Station, PNP Albay Provincial Intelligence Unit, asin Coast Guard Intelligence Unit Albay.
Mahahampang an mga nasabing suspek sa pagbalgar sa Sections 5, 6, 7, 11, 12 asin 15, Article II kan Republic Act No. 9165 o Comprehensive Dangerous Drugs Act of 2002.
