Nabigo si Alex Eala na makua an kutana ikaduwa niyang Women’s Tennis Association (WTA) title makalihis daugon ni American player Claire Liu sa iskor na 3-6, 0-6 sa final kan Hong Kong Open.
Nagin dikdikan an enot na set sagkod na magtabla sa 3-3, antes nakalamang si Liu sa paagi nin sarong makusog na service game.
Antes makalaog sa finals, nag-agi muna si Eala sa mga magabat na laban kaiba an halawig na semifinal match kontra sa dating world number three na si Maria Sakkari.
Posibleng nakaapektar suboot sa kondisyon kan Pinay tennis star an sunod-sunod na magabat na laban, asin sa ikaduwang set naghagad siya nin medical timeout mantang nahuhudyan sa iskor na 3-4 asin binendahan an saiyang toong hita.
Nagkaigwa pa si Eala nin pitong pagkakataon na makalamang sa enot na game kan ikaduwang set na naghalawig nin sobra 26 minutos, alagad nakalamang tulos si Liu makalihis magtama sa net an backhand shot ni Eala.
Sa ibong kan pagkadaog, nagpasalamat si Eala sa mga tagahanga na padagos na nagsusuporta saiya asin sinabing dakula an kahulugan kan saindang suporta sa saiyang karera.
