LEGAZPI CITY-Wagi si Alexandra “Alex” Eala laban ki Tereza Valentova, sa scoces na 6-4, 7-6(7), kan Huwebes, asin abanse na siya sa quarterfinals kan Hong Kong Tennis Open.
Si Eala marikas na nag-uswag sa 3-0 na bentahe sa enot na set antes na si Valentova nakalaog sa board.
An Pilipina nakua an suminunod na kwat nganing mapalawig an saiyang bentahe sa 4-1, alagad an Czech player nakipaglaban nganing mapantay an set sa 4-4.
Alagad, nagtenir na pursigido si Eala, asin nanggana sa suminunod na duwang kawat nganing masierto an enot na set.
Sa ikaduwang set, si Eala nagkaigwa nin amay na 2-1 na bentahe, alagad si Valentova nag-rally nganing makaabante nin 5-3.
An Pilipina nagsimbag sa paagi nin pagdaog nin tolong magkasunod na mga kawat, alagad si Valentova nagpuwersa kan laban sa sarong tiebreak.
Si Eala an nagdominar sa pagpoon kan tiebreak, na nagkua kan enot na limang puntos antes si Valentova nagkontra pa digdi.
Nakakua nin match point an Pinoy, alagad pigmantenir pa kan Czech an saiyang tsansa.
Sa huri, nakua ni Eala an tiempo asin sa sunod na duwang puntos nganing selyuhan an kapangganahan.
Sa quarterfinals, makakaatubang naman ni Eala si Antonia Ruzic gikan sa Croatia.
